Қазіргі уақытта өрт толықтай сөндірілді, деп хабарлайды @Pavlodarnews.kz тілшісі.

Облыстық ТЖД баспасөз қызметінің мәліметінше, 4 сәуір күні Абай облысы Бесқарағай ауданындағы құрғақ шөптің жануы Семей орманы аумағына көшкен.

Шақыруға бірден «Ертіс орманы» мен Павлодар облысы ТЖД күштері мен құралдары жіберілді.

Өрттің Павлодар облысының аумағына таралуын болдырмау үшін өрттің шетін жырту және қарауылдау бойынша жедел жұмыстар жүргізілді. 

– Өртті жоюға 69 адам және 20 техника қатысты. Кәсіпқойлықтың, барлық тартылған қызметтердің үйлесімді және тиімді іс-қимылдарының арқасында өрттің Ертіс орманы аумағына таралуына жол берілмеді, – дейді департаментте. 

Негізгі жұмыстар аяқталғаннан кейін құрамында 24 адам және 5 техника бар ТЖД эшелоны одан әрі көмек көрсету үшін Абай облысына жіберілді.

Павлодарлық өрт сөндірушілер Абай облысында өртті жоюға белсенді қатысты.