Мұндай шешімді сот шығарды, деп хабарлайды @Pavlodarnews.kz тілшісі.

Павлодар құрылыс бөлімі мен «L» ЖШС арасында дау туындады. Мемлекеттік мекеме «Атамекен» кентіндегі тұрғын үйден 30 пәтерді сатып алу бойынша мемлекеттік сатып алу туралы шарт жасады. Келісімшарт сомасы 122 169 993 теңге, оның ішінде қосылған салық құны – 13 089 642 теңге.

Облыстық сотта хабарланғандай, мердігер мен тапсырыс беруші өз міндеттемелерін толық көлемде орындады. Кейін тексеру барысында заңбұзушылық анықталды: кәсіпкерге ҚҚС негізсіз төленген. Мемлекеттік мекеме сот арқылы салықты қайтаруды сұрады, бірақ компания апелляция берді. 

Облыстық соттың мәліметінше, Салық кодексі 396-бабы 1-тармағының 1-ші тармақшасына сәйкес тұрғын ғимараттың тек қана тұрғын емес үй-жайлардан тұратын бөлігінен басқа, тұрғын ғимаратты  өткізу қосылған құн салығынан босатылады.

Сонымен қатар, салық органының мәліметінше, 2021 жылдан бері «L» ЖШС-мен 13 089 642 теңге сомасында ҚҚС төленбеген.