Жаңа функция қызмет көрсету сапасын арттыруға көмектеседі, деп хабарлайды @Pavlodarnews.kz тілшісі.

Азаматтардың өтініштеріне жедел ден қою мақсатында 109 бірыңғай байланыс орталығында жаңа функция – операторлардың жұмысын бағалау енгізілді.

Енді 109 нөміріне қоңырау шалған әрбір тұрғын әңгіме аяқталғаннан кейін өз бағасын қалдыра алады. Жүйе оператордың жұмысын бес балдық шкала бойынша бағалауды ұсынады –  бірден беске дейін, мұнда бес «өте жақсы» және бір «қанағаттанарлықсыз» дегенді білдіреді.

–  Біз сапалы қызмет көрсетуге тырысамыз және азаматтарымыздың кері байланысын бағалаймыз, – дейді орталық қызметкерлері.

Бағалаудың бекітілуі үшін дауыстық нұсқауларды орындай отырып, әңгіме аяқталғаннан кейін желіде қалу жеткілікті.