Алғашқы оқу күні демалыс болып бекітілді, деп хабарлайды @Pavlodarnews.kz.

2025 жылы Конституция күні 30 тамыз сенбіге сәйкес келеді. ҚР «Мерекелер туралы» Заңы бойынша, егер мереке күнтізбедегі демалыс күніне түссе, онда демалыс келесі жұмыс күніне ауыстырылады.

Осыған сәйкес, 1 қыркүйек – ресми демалыс күні болады. Яғни, аптасына бес күндік жұмыс кестесімен жұмыс істейтін павлодарлықтар үш күн қатарынан: сенбі, жексенбі және дүйсенбі күндері демалады (30 тамыз, 31 тамыз, 1 қыркүйек).

Ал алты күн жұмыс істейтіндер үшін мерекелік демалыс екі күнге жалғасады. Ол күндер сенбі және жексенбі (30 тамыз, 31 тамыз).