Облыс орталығында тұтынушыларға арналған онлайн қабылдау өтеді, деп хабарлайды @Pavlodarnews.kz.

ҚР Ұлттық экономика министрлігі Табиғи монополияларды реттеу комитетінің облыс бойынша департаменті тұрғын үй-коммуналдық шаруашылық саласында көрсетілетін қызметтерді ұсыну мәселелері бойынша тұтынушылар үшін қоғамдық қабылдау өткізеді.

– Онда әрбір тұрғын коммуналдық саланың проблемалық мәселелерін шешу жолдары мен түсіндірмелерін ала алады. Павлодар облысының тұрғындары мен басқа да мүдделі тұлғалардың белсенді қатысуын сұраймыз, – делінген хабарламада.

Қоғамдық қабылдау онлайн режимінде 9 қаңтарда сағат 15:00-ден 16:00-ге дейін тікелей эфирде департаменттің Facebook-тегі ресми парақшасында өтеді.

Толығырақ ақпаратты 8(7182)78-71-02 телефоны арқылы алуға болады.