Республикалық маңызы бар автомобиль жолдарында қозғалыстың орташа жылдамдығын бақылайтын автоматтандырылған кешен енгізілді, деп хабарлайды @Pavlodarnews.kz тілшісі.

«ҚазАвтоЖол» ҰҚ» АҚ баспасөз қызметінің мәліметінше, орташа жылдамдық Астана – Павлодар (шектеулі жылдамдық 140 км/сағ), Павлодар – Семей – Қалбатау (шектеулі жылдамдық 100-110 км/сағ), Павлодар – РФ шекарасы (Омбы) (шектеулі жылдамдық 100-110 км/сағ) учаскелерінде бақыланады.

Компания қауіпсіз жол қозғалысын қамтамасыз ету мақсатында және айыппұлдардың алдын алу үшін жүргізушілерге жылдамдық режимін сақтауға кеңес береді.