Жеңімпаздарға арнайы сыйлықтар беріледі, деп хабарлайды @Pavlodarnews.kz тілшісі.

Жастар бастамаларын дамыту орталығының баспасөз қызметінің мәліметінше, музыкалық кеш 31 қаңтар күні сағат 18:00-ден 21:00-ге дейін өтеді. Қонақтардан қазақы стильде киініп келу сұралады.

– Бұл кеш – тек музыка тыңдап қана қоймай, шынайы қарым-қатынас пен ұлттық рухты сезінудің тамаша мүмкіндігі. Қонақтарға жүректен орын алар әуендер, дәмді шай және достар арасында ұмытылмас атмосфера сыйлаймыз. Баршаңызды шай ішіп, сағыныш әндерін бірге тыңдауға шақырамыз! – дейді ұйымдастырушылар.

Кеш бағдарламасына сағындырған қазақ әндерімен музыкалық бинго ойыны және еркін әңгіме құратын шайхана бұрышы кіреді.

Қатысу үшін +7 (771) 130-32-73 WhatsApp нөміріне хабарласу арқылы тіркелуге болады.