Ауыл тұрғыны оны мемлекеттік әлеуметтік көмек деп ойлаған, деп хабарлайды @Pavlodarnews.kz тілшісі.

TikTok желісінде Успен ауданындағы Константиновка ауылында тұратын әже өзіне көрсетілген ілтипатқа ашынған видео пайда болды. Зейнеткерге алты қап ағаш әкелген, бірақ ішінде отынның орнына ұсақ бұтақтар мен үш ағаш кесіндісі ғана болған.

Зейнеткер бірнеше рет осындай көмек көрсетіліп отырғанын айтады: кейде ағаш отынның орнына бұтақ, кейде бір пакет шіріген картоп әкеліп тастайды. Ауыл тұрғыны мұндай көмекті әкімдік береді деп ойлаған.

– Видеода көрсетілген ағаш отын мен картопты Равнополь ауылдық округінің әкімдігі бермеген. Бұл көмекті жергілікті кәсіпкерлер ұсынған, – деді Успен ауданының әкімдігінде.

Сондай-ақ, әкімшілік кәсіпкерлердің бұталар мен ағаштарды кесумен айналысуы мүмкін екенін хабарлады.