Павлодар облысының әкімі Асайын Байханов Тереңкөл ауданы тұрғындарымен кездесуде, деп хабарлайды @Pavlodarnews.kz тілшісі.

Бұл –  облыс әкімінің Тереңкөл ауданына екінші жұмыс сапары. Кездесуде аймақ басшысы ауданның экономикалық жағдайы туралы айтты. 

– Тереңкөл ауданының экономикасы қарқынды дамуда. Аудан егін алқабы бойынша облыста екінші орынды алады. Биыл мал азығы алқабын 18,8 мың гектарға ұлғайтып, егістік алқабын 307 мың гектарға жеткізу көзделген, –  деді Асайын Байханов. 

Ауданда қазіргі уақытта жалпы сыйымдылығы 11,8 мың тоннаны құрайтын 6 көкөніс қоймасы бар. 

Соңғы үш жылда аудандағы суармалы егін алқабы 1,8 есеге өсіп, 11,7 мың гектарға жетті. 

– Ауданда мал шаруашылығын дамытуда үлкен мүмкіндіктер бар. Аудан сүт пен құс басы бойынша облыста үздік үштікке кіреді, –  деді облыс әкімі. 

Айта кетейік, облыс әкімі Асайын Байхановтың Тереңкөл ауданы тұрғындарымен кездесуі аудандық мәдениет үйінде өтуде.

Фото: Константин Шелков