@Pavlodarnews.kz тілшісі рок жанрындағы дәстүрлі аспаптардың үйлесіміндегі жаңа дыбыстарды орындайтын ерекше шығармашылық ұжыммен сұхбаттасты. 

«Өнер» қалалық мәдениет сарайында жарты жыл бұрын «ARISH» тобы құрылды. Ұжымның жетекшісі Евгений Радчуктың сөзінше, топта алты өнерлі адам бар: вокалист, соло-гитарист, басист-вокалист, ритм-гитарист барабаншы және қобыз. Десе де барлығы кәсіби музыканттар емес. Әр топ мүшесінде музыкалық білімі болмаса да, бұл «ARISH» тобына шығармашылыққа жақын болуға және кәсіби музыка жасауға кедергі емес.

– Соло гитаристіміз ұжымның басын қосып, жинады. Оның жақсы дыбыс пен энергияны көпшілікке жеткізетін топ құруға деген ұмтылысы зор болды. Кейін Владимир Кабышев маған қоңырау шалып, арманға жетелейтін жоба құруды ұсынды. Екі аптадан соң біз «Өнер» қалалық мәдениет сарайы ұсынған студияға келіп, жұмысты бастадық, – деді ол. – Тобымызда барлығы құрдас, 2-3 жыл айырмашылық бар, бірақ бұл тәжірибе мен музыкаға жаңа көзқарастың қызықты тепе-теңдікті тудырады.

Музыканттар соло-гитара, бас-гитара, барабан, ритм-гитара және қобыз аспаптарында ойнайды. Кейде дыбыс сапасын өзгерту және эксперимент жасау үшін әртүрлі эффектілерді қолданады. 

– Негізгі шабыт әртүрлі музыкалық стильдерден келеді – классикадан металға дейін. Музыканттар танымал композицияларды талдайды, аранжировкалармен тәжірибе жасайды және стандартты емес аспаптарды сынап көреді. Халықпен кері байланыс, өзара әрекеттесу үлкен рөл атқарады. Сол уақытта қай идеялар жүректен жақын орын алатынын аңғаруға көмектеседі, – деді Евгений Радчук.

8 наурызда – Халықаралық әйелдер күніне орай кешкі сағат 19:00-де «Өнер» қалалық мәдениет сарайында «ARISH» тобы рок концертін өткізеді. Ең басты ерекшелік – танымал рок әндерді қобызда орындау.

– Концерт бағдарламасында ерекше рок-хиттер де, арнайы қобызға бейімделген белгілі композициялардың түпнұсқалық аранжировкалары да күтіледі. Олардың арасында The Cranberries, Linkin park, Тату және басқа топтардың каверлері, сондай-ақ, ұжымның авторлық тректері бар, – деді Евгений Радчук.

Осындай концерт қою идеясы рок энергиясын классикалық, халықтық музыканың мәнерлілігімен біріктіру ниетінен туындады. 

– Қобыз терең эмоцияларды жеткізе алады, ал электр гитарамен және соқпалы аспаптармен үйлескенде ол ерекше күшке ие болады. Көптеген музыканттар Apocalyptica, David Garrett, Lindsey Stirling сияқты әртістердің шығармаларынан шабыт алып, өздерінің ерекше бағдарламаларын құруға шешім қабылдады, – деді ұжым жетекшісі.

Оның айтуынша, қобызда рок-композицияларды орындау жоғары техника мен физикалық дайындықты талап етеді. Сондай-ақ, классикалық дыбыстан айырмашылығы жылдам әндер мен арнайы эффектілер пайдаланады.

– Жылдам әндерде динамиканы сақтау өте қиын, мұнда гитара мен барабанмен синхрондау маңызды. Біз рок бағытында жаңа дыбысты таптық деп санаймын.  Яғни, халық ұлттық аспап пен дәстүрлі рок аспаптарының үйлесіміндегі жаңа дыбыстардың бірігуі, – деп атап өтті ол.

Бұған дейін шығармашылық топ сахнада концерт берген еді, алайда қобыздың үні болмаған. Сондықтан топ мүшелері мерекеге орай тұрғындарға ешкім тыңдап көрмеген дыбыс сыйлайды.

Фотоларды Евгений Радчук ұсынды