Құрылыс жұмыстарын екі айдан кейін аяқтау жоспарланып отыр, деп хабарлайды  @Pavlodarnews.kz тілшісі.   

Аудан әкімі Айтуған Шайхимов жұмыс сапарымен Мыңкөл ауылына барып, құрылыс жұмыстары қайта басталған медициналық пункттің жағдайымен танысты. Бұған дейін құрылыс келісімшарт талаптарының орындалмауына және мерзімдердің сақталмауына байланысты тоқтатылған болатын.

– Сот процестері аяқталып, барлық қажетті рәсімдер шешілгеннен кейін мердігер ұйым – «Қайрат ЭК» жауапкершілі шектеулі серіктестігі нысанды аяқтау жұмыстарына кірісті. Қазіргі уақытта құрылыс алаңында сегіз адам жұмыс істеп жатыр. Мердігер ұйымның алдында жұмысшылар санын арттырып, құрылыс қарқынын күшейту міндеті қойылды, – деді Айтуған Шайхимов.

Айта кетейік, медициналық пунктті тапсыру мерзімі — осы жылдың 1 шілдесіне жоспарланған.