Аудан орталығында этноауыл құрылады, деп хабарлайды @Pavlodarnews.kz.

6 қыркүйек күні «Арман» спорт кешенінде сағат 12:00-ден бастап «Өткенге тағзым – болашаққа бағдар» мерекелік шаралар өтеді. Тұрғындар мен қонақтарды облыстық филармония концерті, спорттық жарыстар және мерекелік дастархан күтеді.

Сағат 13:00-ден 15:00-ге дейін «Тарихы терең туған елім» атты облыстық ақындар айтысы күтеді. 

Дәл осы уақытта ашық алаңда +90 келі салмақ дәрежесі бойынша түйе балуан бойынша жарыс өтеді. Бірінші орынға жарты миллион теңге беріледі.

Сағат 15:00-де ең батыл шабандоздар мен олардың жүйріктерін тоғыстыратын қызықты бәйге жарыстары өтеді.

Ашық бәйгеде (Топ бәйге) шабандоздарды төзімділік пен жылдамдыққа сынақ күтіп тұр — қашықтық 18 шақырым. Бірінші орын үшін 1 миллион теңге тігіледі. Екінші орынға 700 мың  теңге, ал үшінші орын үшін 500 мың теңге беріледі. 

Жабық бәйгеде Железин ауданының тұрғындарына арнайы жеке жарыс өтеді. Жүйріктер күш-қайрат пен шеберлікті 9 шақырым қашықтықта дәлелдей алады. Бірінші орын үшін 700 мың теңге ойнатылады. 

Барлық жарыстар аяқталғаннан кейін ауданның шығармашылық ұжымдары өнер көрсетеді. Сағат 17:00-де Қазақстанның эстрада жұлдызы – Маржан Арапбаева ән айтады.

Сонымен қатар этноауыл аумағында тарихи-өлкетану және қолөнер көрмелері, ауыл шаруашылығы өнімдерінің көрмесі, шеберлік сағаттар, балаларға арналған ойын және спорт алаңдары ұйымдастырылады.