Желдің жылдамдығы секундына 15-20 метрге дейін жетеді, деп хабарлайды @Pavlodarnews.kz.

«Қазгидромет» РМК-ның мәліметінше, 7 қаңтарда ауа температурасы -5...-10°С, ал күндіз -2...-7°С суық болады. 

8 қаңтарда күндіз қар жауады, облыстың батысында боран соғады. Сынап бағанасы түнде және күндіз -5...-10°С, ал облыстың шығысында -13°С көрсетеді. 

9 қаңтарда түнде облыстың оңтүстік-батысында, күндіз облыстың басым бөлігінде қар жауып, боран болмақ. Ауа температурасы түнде -14...-19°С, ал күндіз -5...-10°С-қа дейін суытады. 

10 қаңтарда күндіз облыстың солтүстігінде қар жауып, боран соғады. Сынап бағанасы түнде де, күндіз -5...-10°С көрсетеді. 

Сенбіде түнде облыстың оңтүстік, батысында қар жауып, боран болады. Ауа температурасы түнде -7...-12°С, ал күндіз -3...-8°С-қа дейін суытады деп күтіледі.

Жексенбіде де боран соғады. Сынап бағанасы түнде -7...-12°С, ал күндіз -5...-10°С-ты көрсетеді.