Шаһар басшысы аптасына екі рет күрделі жұмыс барысын тексеріп тұрады, деп хабарлайды @Pavlodarnews.kz.

Бұл туралы қала әкімі Хасар Хабылбеков өзінің Instagram парақшасында мәлім етті. 

– Облыс әкімінің тапсырмасы бойынша биыл 20 жыл бойы жөндеу жүргізілмеген орталық жағалауда күрделі жөндеу басталды. Жоба инвесторлар үйінен Естай көшесінен төменгі жағына дейінгі жұмыстарды қамтиды, – деп жазды қала әкімі.

Оның сөзінше, барлық баспалдақтар жөнделіп, субұрқақтардың жиектері мен каскады ауыстырылады. Сондай-ақ, инвесторлар үйінің жанындағы бақылау алаңын қайта құру бойынша жұмыстар басталды. Қалған жұмыстар келесі жылға ауысады.

Хасар Хабылбеков ТҮКШ бөліміне мердігерлермен бірлесіп, жүргізілген жұмыстардың сапасын ерекше бақылауға алуды тапсырды.