Мұндай әдіс алаяқтардың қалай жұмыс істейтінін көрсетуге бағытталған, деп хабарлайды  @Pavlodarnews.kz тілшісі.  

Жастар бастамаларын дамыту орталығы Павлодар облысы бойынша экономикалық тергеу департаментімен бірлесіп,  «Сенер ме едіңіз?» атты флеш-сұхбат ұйымдастырды. Тұрғындарға 50 000 теңге салуды ұсынып, бір айдан кейін 500 000 теңге қайтаруға уәде берілді. 

Іс-шара «Заң және тәртіп» жобасы аясында қаржылық сауаттылықты арттыруға бағытталған. Көптеген қатысушылар алдымен мұндай тиімді ұсынысқа келісім беріп, кейін бұл эксперимент екенін білді. 

– Мұндай интерактивті формат адамдарға қарапайым ережені түсіндіруге көмектесті. Яғни, тым үлкен және жылдам табыс күмән тудырады, оның артында алаяқтар тұрады, – дейді ұйымдастырушылар. 

Акция алаяқтардың құрбаны болу қаншалықты оңай екендігін түсінуге арналды.