Әлеуметтік нысандардың құрылыс барысы тексерілді, деп хабарлайды @Pavlodarnews.kz тілшісі.

Ақсу қаласының әкімі Болатбек Шәріпов Алғабас және Үштерек ауылдарын жұмыс сапарымен аралады.

Үштерек ауылында дене шынықтыру-сауықтыру кешенінің құрылыс барысы бойынша еден жабынын төсеу жұмыстары басталды.

Сондай-ақ, әкім Алғабас ауылының мәдени-сауықтыру орталығына барды. Онда орталықтың шатыры орнатылып жатыр.

Болатбек Шәріпов ауылдық округтердің әкімдеріне жұмыстардың уақытылы және сапалы жүргізілуін тұрақты бақылауда ұстауды тапсырды.