Облыс әкімі Екібастұз қаласының тұрғындарын Қала күнімен құттықтады, деп хабарлайды @Pavlodarnews.kz тілшісі.

Асайын Байханов қазақстандық өнеркәсіптің жүрегіне айналған Екібастұз шаһарын көмірі мен электр энергиясынсыз елестету мүмкін емес  екенін атап өтті. 

– Қаланың  басты байлығы – екібастұздықтар. Өткен қыста сіздер болаттай төзім білдіріп, ерекше табандылық көрсете білдіңіздер. Мен де Екібастұзға бөтен емес екенімді мақтан тұтамын: бұл – менің жастық шағымның қаласы. Мен мұнда спорт пен бизнесте алғашқы қадамдарымды жасадым, әлі күнге дейін ата-анам осында тұрады, – деп жазды аймақ басшысы Іnstagram парақшасында.

Облыс әкімі айтулы мереке күні мен барлық екібастұздықтарға денсаулық, өркендеу және амандық тіледі.