Ол көктемде салынады, деп хабарлайды @Pavlodarnews.kz.

Есепті кездесулер аясында қала әкімі Хасар Хабылбеков Атамекен кентінің тұрғындарымен кездесті.

Биыл ауылда абаттандыру шаралары кешені жүзеге асырылды: 10 көшеде ұзындығы 9 шақырымнан асатын орташа жөндеу жұмыстары жүргізілді, 5 аялдама павильоны жаңартылды, 2 жаңа балалар алаңы орнатылды және 10 бар алаң жөнделді. Сондай-ақ, Даңқ обелискісінде ағымдағы жөндеу жұмыстары аяқталды.

Тұрғын массивтердің су басу мәселесін шешу үшін гидрогеологиялық зерттеулер жүргізіліп, ұңғымалар бұрғыланды, дренаждық жүйе орнатылды және жаңа зират аумағында су ағызу жобасы жүзеге асырылды.

– Кездесу барысында тұрғындар жаңа балабақша салу мәселесін көтерді. Облыс әкімінің қолдауымен оны келесі жылдың көктемінде салуды бастау жоспарлануда. Сондай-ақ, тұрғындардың өтініші бойынша 2026 жылы дәрігерлік амбулаторияға жаңа автокөлік сатып алу қарастырылған, – деді қала әкімдігінде.

Кездесу барысында көтерілген барлық мәселелер бойынша түсініктемелер беріліп, кейбір мәселелер бақылауға алынды.