Ақсулық боксшы қыздар ел чемпионатынан жүлделі оралды
Барлық спортшы жеңімпаз атанды, деп хабарлайды @Pavlodarnews.kz.
Жезқазған қаласында бокстан қыздар арасында Қазақстан Республикасының чемпионаты өтті. Облыс құрамасының атынан 10 қыздың арасында үш ақсулық спортшысы болды. Боксшылар шеберліктерін көрсетіп, түрлі дәрежедегі медальдармен оралды.
Ақсулық боксшы София Ващенко 66 келі салмақ дәрежесінде ел чемпионы атанды, ал 52 келі салмақта Аделаида Сәдуақасова күміс алса, 70 келі салмақта Аяулым Берди қола медальге ие болды.
