Қырғызстан астанасы Бішкек қаласында гір спортынан Азия чемпионаты өтті, деп хабарлайды @Pavlodarnews.kz.

Бұл туралы Павлодар облыстық дене шынықтыру және спортты дамыту басқармасы мәлім етті. 

– Құрлықтық жарысқа облысымыздан Баянауыл ауданының спортшысы Таңат Бердалин қатысып, 73 келі салмақ дәрежесінде серпе көтеру әдісі бойынша күміс жүлдегер атанды. Спортшыны бапкері Дархан Истаев дайындады, – деді басқармада.  

Айта кетейік, гір спортынан Азия чемпионатында сегіз елден үш жүзден астам спортшы сынға түсті.

Фото: облыстық дене шынықтыру және спортты дамыту басқармасы