Қалалық мектептердің 78 оқушысының қатысуымен «Эрудит» байқауы өтті, деп хабарлайды @Pavlodarnews.kz тілшісі.

Қалалық білім беру бөлімінің мәліметінше, «Павлодар дарыны» бос уақытты қамту жәнебалалардыңдарындылығын дамыту орталығының «Бес ғажайып сәт -2025» жобасы аясында қаланың 26 мектебінің 10-сынып оқушылары қатысты.

Жоба өскелең ұрпақтың интеллектуалдық дамуына бағытталған балалардың таланттары мен шығармашылық әлеуетін дамытуға бағытталған. Байқау шеңберінде қатысушылар математика, әдебиет, тарих бойынша өз білімдерін көрсетіп, «Өз ойыны», «Миф және шындық», «Жеке адамды білу» сияқты стандартты емес тапсырмаларды шешуге шығармашылық көзқарастарын көрсетулері тиіс болатын.

Байқау қорытындысы бойынша жүлделі орындарға сегіз команда ие болды, олардың ішінде І орынды М. Жүсіп атындағы, А. Шәмкенов атындағы, № 39,ІІ орынды Б. Момышұлы атындағы , № 6, ІІІ орынды № 14,26,35 орта мектеп оқушылары иеленді. Олар «Павлодар дарыны» орталығының дипломдарымен марапатталды.

–   Байқау оқуға деген қызығушылықты арттырып, дарынды балаларды қолдау үшін танымдық алаңға айналды. Іс-шараның мұндай форматы оқушыларды өзін-өзі дамытуға, білім мен дағдыларды жақсартуға ынталандырады, – дейді № 39 орта мектептің тәлімгері Гүлназ Отыншина.

Байқауға қатысушылар «Тұлғаны білу» тапсырмасында «WordWall» платформасына қатысушылар ұсынылған фактілердің көмегімен кездейсоқ айналу әдісімен математика, тарих, әдебиет саласындағы танымал тұлғаларды анықтады.