Шетелдік азаматпен некені тіркеу бірқатар құжаттар қажет, деп хабарлайды @Pavlodarnews.kz тілшісі.

Павлодар облысы бойынша «Азаматтарға арналған үкімет» мемлекеттік корпорациясы филиал баспасөз қызметінің мәліметінше, 2024 жылдың сегіз айында Павлодар қаласының аумағында шетел азаматтарымен 68 неке тіркелді.

– Қазақстанда шетел азаматымен неке қию стандартты ережелер бойынша азаматтық хал актілерін тіркеу органдары арқылы немесе болашақ ерлі-зайыптылардың бірі азаматы болып табылатын елдің дипломатиялық өкілдігі мен консулдық мекемесі арқылы жүзеге асырылады, – деді баспасөз қызметінде. 

Шетелдік азаматпен некені тіркеу үшін не қажет?

Бірінші қадам – некеге тұру туралы жазбаша өтініш беру. 

Шетелдік азамат қосымша құжаттарды ұсынуы керек:

– Неке құқығы туралы анықтама –  бұл оның некеге тұруға құқығы бар екенін растау, бұрынғы некелер (ерлі-зайыптылар) туралы мәліметтер;

– Қазақстан Республикасында тұруға ықтиярхат – егер шетелдік Қазақстанда тұрақты негізде тұрса, тұруға ықтиярхат (көшірме) және барлық беттері бар шетелдіктің міндетті түрде нотариалды куәландырылған паспорты. 

Шетелде берілген барлық құжаттар Қазақстанда оларды тану үшін алынған елде апостиль қойылуы немесе заңдастырылуы тиіс.

– Бұл міндетті емес болса да, шетелдікке өз мемлекетінің уәкілетті органынан некеге тұруға рұқсат алу ұсынылады. Бұл өте маңызды, өйткені кейбір елдерде мұндай рұқсаттың болмауы олардың аумағында некені жарамсыз етуі мүмкін. Алайда, егер ерлі-зайыптылар рұқсатсыз тіркеуді талап етсе, неке әлі де Қазақстанда тіркеледі, – деді баспасөз қызметінде.

Бұл процедура шетелдіктермен некеге тұруды неғұрлым түсінікті және қол жетімді етеді, бұл халықаралық ерлі-зайыптыларға қарым-қатынастарын ресми түрде рәсімдеуге мүмкіндік береді.