Дегенмен екпеден шамалы реакциялар болады, деп хабарлайды @Pavlodarnews.kz тілшісі.

Павлодарлық дәрігерлер Дүниежүзілік денсаулық сақтау ұйымының миссиясына қосылды. ДДҰ қызметкерлері кездесулер өткізеді және денсаулық сақтау ұйымдарына вакциналаудан кейінгі елеулі жағымсыз көріністер туралы хабарлауға көмектеседі.

– Вакциналар – ең қауіпсіз дәрілердің бірі. Екпеден кейінгі шамалы реакциялар әдетте бірнеше күн ішінде тез жойылады. Вакциналарға ауыр реакциялар өте сирек кездеседі. Мұндай реакциялардың қаупі вакцинация арқылы алдын алуға болатын аурулардың қаупінен әлдеқайда төмен екенін түсіну маңызды, – деп түсіндірді ДДҰ Еуропалық аймақтық бюросының дәрігері және қызметкері Олег Бенеш.

Сонымен қатар, миссияның мақсаты – вакциналардың қауіпсіздігін бақылау. Тексерулерге вакциналаудан кейін пайда болатын аурулардың негізгі себептерін анықтау кіреді.

Спикердің айтуынша, вакциналаудан кейін пайда болатын барлық реакциялар міндетті түрде препараттың өзінен туындамайтынын ажырата білу керек. Себебі, мұндай аурулар қатар жүретін ауруларға немесе вакциналармен жұмыс істеу барысында жіберілген қателерге байланысты пайда болуы мүмкін. 

 Оның айтуынша, қазірдің өзінде себептері белгісіз аурулар бар. Мысалы, церебральды сал ауруы және аутизм. Дегенмен, мамандарда вакцинацияға дейін де, кейін де деректер жоқ.

– Зерттеулер балалар сал ауруы мен аутизм сияқты аурулар вакциналаудан бұрын байқалған.  Бірнеше екпеден кейін егілген топта бұл аурудың қаншалықты дамығанын қарап, салыстырып жүрміз. Вакцина бұл аурулардың жиілігін тудырмайды деп айта аламыз. Бұл аурулар екпе алған адамдарда жиі дамиды деп айтуға болмайды, – деді Олег Бенеш.

ДДҰ қызметкерлері де адамдарды асығыс қорытынды жасамауға шақырады. Қазір олар бұл теорияны жоққа шығаратын дәлелдер жинап жатыр.

ДДҰ қызметкерлері мен денсаулық сақтау ұйымдары арасындағы кездесулер 25 маусым мен 26 маусым аралығында өтеді.