Шағын бизнес үшін салық төрт пайыздан екі пайызға дейін түседі, деп хабарлайды @Pavlodarnews.kz тілшісі.

Павлодар облысының кәсіпкерлер палатасының мәлімдеуінше, сауалнама барысында және талқылау барысында қала кәсіпкерлері шағын бизнес үшін бөлшек салық мөлшерлемесін төрт пайыздан екі пайызға дейін төмендетудің қажеттілігі мен маңыздылығы туралы айтты.

Облыстық кәсіпкерлер палатасының Екібастұз филиалы жағдайды зерделеуге және бизнес мүдделерін қорғауға қатысты.

– Бұл мәселе Қоғамдық кеңестің отырысында және Екібастұз қаласы мәслихатының жұмыс комиссиясында да қаралды, – деді «Атамекен» ӨКП Екібастұз қалалық филиалының директоры Медият Мұсанап.

Нәтижесінде қалалық мәслихаттың кезектен тыс ХVI сессиясында депутаттар Екібастұз қаласында бөлшек салықтың арнайы салық режимін қолдану кезінде салық мөлшерлемесінің мөлшерін төрт пайыздан екі пайызға дейін төмендетуді көздейтін шешімді бірауыздан қолдады.

Сонымен қатар, Екібастұз қаласы бойынша шетелдіктер үшін туристік жарна мөлшерлемелерін бекіту туралы шешім қабылданды, оған сәйкес орналастыру орындарында туристік жарнаға болу құнының нөл пайызы мөлшерінде мөлшерлеме қолданылады.