Алматы қаласында республикалық «Үздік авторлық бағдарлама» конкурсының жеңімпаздарын марапаттау рәсімі өтті, деп хабарлайды  @Pavlodarnews.kz тілшісі.

Байқау қорытындысы бойынша Екібастұз қаласы №18 жалпы орта білім беру мектебінің тарих пәнінің мұғалімі Роза Құлмағанбетова  І орынды жеңіп алды. 

Сондай-ақ Павлодар қаласы дарынды балаларға арналған №3 гимназиясының дене шынықтыру мұғалімі Серік Темірғалиев екінші орынды, Аққулы ауданы Жамбыл орта мектебінің ағылшын тілі мұғалімі Бауыржан Оразалин үшінші орынды иеленді. Сондай-ақ Кенжекөл орта мектебінің тарих пәнінің мұғалімі Гамал Күлжанов пен Павлодар қаласы Мұхтар Әуезов атындағы орта мектебінің информатика мұғалімі Замира Эргашова Құрмет грамоталарымен марапатталды.