Оған ауа райының қолайсыздығы себеп болды, деп хабарлайды @Pavlodarnews.kz тілшісі.

Екібастұз қалалық білім беру бөлімінің мәліметінше, 2025 жылы 9 қаңтарда екінші ауысымның 0-4-сынып оқушылары қашықтықтан оқыту форматына ауыстырылады. 

Сонымен қатар Ақсу қаласы мен ауылдық аумақтарында ауа райының қолайсыздығына байланысты екінші ауысымның 0-4-сынып оқушылары үшін де сабақтар онлайн форматта ұйымдастырылады.

Айта кетейік, сағат 10.30-да ауа райының нашарлауына байланысты (көріну шегі 50 м-ге дейін, қар, төменгі боран, екпінді жел) Қызылорда-Павлодар-Успен-РФ ш. республикалық манызы бар автожол учаскесінде (1206-1367 ш.) Атамекен кентінен Қарағанды облысының шекарасына дейін көліктің барлық түрлері үшін жол жабық.