Оның біреуі - бала, деп хабарлайды @Pavlodarnews.kz.

Облыстық ТЖД баспасөз қызметінің мәліметінше, 28 сәуірде сағат 12.57-де 101 пультіне Кеншілер көшесі, 15б мекенжайы бойынша екінші қабаттың  балконынан түтін шығып жатқаны туралы хабарлама  түскен. 

- Өрт сөндіру бөлімшелері шақырылған жерге келгенде  4 шаршы метр көлемінде ағаш балконнның жанып жатқаны анықталды, - деді департаментте. 

Оқиға орнынан екі адам құтқарылды, оның ішінде біреуі - бала.

 Өрт сағат 13.11-де  оқшауланып, сағат 13. 15-те сөндірілді. 

Тілсіз жауды ауыздықтауға екі техника, 7 қызметкер қатысты.