Екібастұзда бірнеше күн есік ашпаған зейнеткер аман қалды
Зейнеткер туыстарына тапсырылды, деп хабарлайды @Pavlodarnews.kz тілшісі.
Облыстық ТЖД баспасөз қызметінің мәліметінше, 5 қаңтарда сағат 12.06-да 112 қызметі диспетчерінен жалғызбасты зейнеткер бірнеше күн бойы есікті ашпағаны туралы хабарлама түскен.
– Оқиға орнына келген ТЖД құтқарушылары жылжымалы баспалдақтың көмегімен үшінші қабатқа көтеріліп, терезені ашу арқылы пәтерге кірді, – деді департаментте.
Құтқарушылар егде жастағы ер адамның еденде жатқанын анықтады. Оны көтеріп, төсекке жатқызды.
