Жылу желілері мен камералар орнатылған жерлерде азаматтардың абай болғаны жөн, деп хабарлайды @Pavlodarnews.kz тілшісі.

«Экибастузтеплоэнерго» жауапкершілігі шектеулі серіктестігі баспасөз қызметінің мәліметінше, 10 маусым күні №2, 3, 4, 6, 11, 16 жылу магистральдарының гидравликалық сынақтары жоспарланған.

11 маусым күні №13, 14, 15, 16 жылу магистральдары мен қаланың магистральдік желілерінің беріктігі мен тығыздығы тексеріледі, сондықтан бұл кезеңде қалада ыстық су болмайды. 

– Жылыту жүйелеріндегі жарылуларды болдырмау үшін №1, 2 ысырмаларды жабу керек, сонымен қатар бітеуіштерді орнату керек. Бұл шараларды сақтамау материалдық шығынға және жазатайым оқиғаларға әкелуі мүмкін, – деп ескертті кәсіпорын.

Гидравликалық сынақтардың қорытындысы бойынша құбыр желісінің жекелеген учаскелері жөнделеді.

– Сынақтар аяқталғаннан кейін ешқандай бұзылу байқалмаған жылу желілерінен қуат алатын барлық үйлерге ыстық су беріледі, – деп атап өтті жылу қызметкерлері.

Азаматтардан тестілеу кезінде анықталған барлық ескертулер, бұзушылықтар, су құбырының жарылуы туралы мына телефондарға хабарласуды сұрайды: 

• +7(7187)75-08-04, +7(7187)28-06-94 («Экибастузтеплоэнерго» ЖШС диспетчерлік қызметі);
• +7(701)705-49-57 WhatsApp.