Полиция басқармасы қоршаған ортаны абаттандыру, жалпы пайдалану орындарын ластау ережелерін бұзудың алдын алу бойынша «Таза Қазақстан» экологиялық акциясы аясында іс-шаралар өткізуде, деп хабарлайды  @Pavlodarnews.kz тілшісі. 

Жыл басынан бері полицейлер 269-ға жуық әкімшілік құқық бұзушылықты анықтады. Оның ішінде абаттандыру ережелерін бұзудың 192, жалпы пайдалану орындарының ластанудың 77 фактісі бар. 

Өткізілетін іс-шаралардың мақсаты қоғамда кез келген заң бұзушылықтарға «нөлдік төзімділікті» қалыптастыру болып табылады.  

Полиция қоршағаны ортаны ластау фактісінің куәгері болған жағдайда дереу «102» арнасына хабарлауға шақырады.