Интерактивті медициналық алаңда жедел жәрдем сиреналары естіліп, таңғыш материалдар, реанимацияға арналған манекендер кішкентай тұрғындардың қызығушылығын жаулады, деп хабарлайды @Pavlodarnews.kz. 

Екібастұзда алғашқы медициналық көмек көрсету бойынша бірегей ашық шеберлік сыныбы өтті. Халықаралық балаларды қорғау күніне арналған «Қазақстан балалары» республикалық онкүндігі аясында қаланың орталық алаңы үлкен интерактивті медициналық аймаққа айналды.

Оқушылар ҚР Қызыл жарты ай еріктілерімен, жедел жәрдем қызметкерлерімен және медициналық колледж студенттерімен бірге қан кетуді тоқтатуды, жүрекке жанама массаж жасауды, жасанды тыныс алуды және тұншығу жағдайында дұрыс әрекет етуді үйренді. Мұның бәрі тәжірибелі мамандардың бақылауында болды.

– Бұл жай ғана білім емес, қиын жағдайда біреудің өмірін сақтап қалуға көмектесетін дағды, – деп атап өтті Екібастұз медициналық колледжінің арнайы пәндер оқытушысы, дәрігер-реаниматолог Сергей Зарипов.

Қалалық емханалардың дәрігерлері –  педиатрлар, терапевттер, эндокринологтар, хирургтар және ПМПК мамандары ашық консультациялар өткізді. Барлық ниет білдірушілер жедел тексеруден өте алды – қысымды, қандағы қантты, бой мен салмақты өлшеді.

Реанимобиль жабдықтарын көрсету, дәрігерлердің сын-қатерлердегі жұмысы туралы әңгіме және нақты жағдайларды талдау балалардың ерекше қызығушылығын тудырды.

– Мен дәрігер болуды армандаймын. Бұл мамандықты өзімізде «сынап көрдік». Әрине қиын, бірақ шабыттандырады, - деп бөлісті 7-сынып оқушысы Бекболат Әділхан.

Интерактив, жанды тәжірибе, дәрігер мамандығын құрметтеу және жауапкершіліктің маңызды сабақтары онкүндіктің жарқын оқиғаларының біріне айналдырды.