Қаржы пирамидасы Астана мен Павлодар облысында жұмыс істеген, деп хабарлайды @Pavlodarnews.kz тілшісі.

Облыстық Экономикалық тергеу департаментінің мамандары Қазақстан Республикасы Қылмыстық кодексінің 217-бабының бірінші бөлігінде көзделген қылмыстық құқық бұзушылық – қаржы пирамидасын басқару фактісі бойынша Р. азаматқа қатысты сотқа дейінгі тергеуді қосымша тіркеді.

Қосымша тергеу Астана мен Павлодар облысында жұмыс істеген «Takorp» қаржы пирамидасының әрекетінен зардап шеккен азаматтардан жаңа өтініштердің түсуіне байланысты басталды.

Департаментте зардап шеккендердің барлығын Павлодар қаласы, Толстой көшесі, 98 мекенжайы бойынша өтініш беруге немесе 8-7182-61-33-05 телефоны бойынша хабарласуға шақырды.