Матч Петропавлда өтеді, деп хабарлайды @Pavlodarnews.kz тілшісі.

«Қызылжар» мен «Ертіс» Қазақстан Премьер-лигасының кезекті турында кездеседі. Қос солтүстік команда да қорғанысқа баса назар аударатын ұқсас стильде ойнайды. Екі команда да турнир кестесінде көрші орналасқан: қожайындар үш ұпаймен жетінші, ал павлодарлықтар сегізінші орында.

«Қызылжар» құрамы биылғы маусымда айтарлықтай өзгерді. Африкалық ойыншылар Оноре Гомис пен Этьен Бугре ерекше назар аударуға лайық. Соңғысының дене әлеуеті жағынан да, шеберлігімен де, сондай-ақ пас шығарудағы ақылдылығымен ерекше. Орталық шепте украиналық Евгений Макаренко сауатты ойнайды. Тағы бір күшті шетелдік ойыншы – Фарер аралдарынан келген Йоханнес Бьорталид. «Балықшы» барлық викингтер сияқты, шешімтал әрқашан ойынды қыздырып, матчтың нәтижесін өз бетінше шешуге дайын.

Бірінші турда, екінші таймда ғана алаңға шыққан фарерлік ойыншы матчты өз командасының пайдасына шешті. «Қызылжар» «Каспийге» қарсы ойында ұтылып келе жатқан еді, бірақ Йоханнес Бьорталид Петропавл командасының ойынына тың серпін беріп, шабуылға леп қосты. Ойынның соңында викинг шабуылға шығып, қақпашыны салқынқандылықпен алдап өтіп, өз командасына жеңіс әкелді.

Петропавлдағы матч 20 наурызда сағат 15:00-де басталады. Тікелей эфирді лиганың YouTube-арнасынан көруге болады.