Сол жерге келген полицейлерге ер адам өзінің десантшы екенін және Орталық стадионды күзетіп жүргенін айтқан, деп хабарлайды  Рavlodarnews.kz.

Police  ақпараттық-медиа порталының мәліметінше, Ертіс ауылында 41 жастағы тұрғын Орталық стадион аумағында іш киіммен жүрген. 

–  Ер адам ҚР ӘҚБтК-нің 440-бабы 1-бөлігі –  «Алкогольдік ішімдіктерді ішу немесе қоғамдық орындарда мас күйінде жүру» бойынша әкімшілік жауапкершілікке тартылды, –  деді Ертіс аудандық полиция бөлімінің жергілікті полиция қызметі бөлімшесінің бастығы Сұңғат Әбенов.

Ауыл тұрғынына қатысты ұсақ бұзақылық жасағаны үшін ҚР ӘҚБтК-нің 434-бабы 1-бөлігі бойынша әкімшілік хаттама толтырылды. Материал сотқа жіберілді. Оның шешімімен 7 тәулік мерзімге әкімшілік қамауға алу түрінде әкімшілік жаза қолданылды және үш ай мерзімге ерекше талаптар белгіленді.