Команда алты жылдан кейін жоғары дивизионға оралады, деп хабарлайды @Pavlodarnews.kz тілшісі.

Клубтың ресми Instagram аккаунтындағы ақпаратқа сәйкес, «Ертіс» ФК жаңартылған құрамының тұсаукесері 4 наурызда сағат 19:00-де «Batyr Mall» сауда орталығында өтеді.

«Бұл – жаңа ойыншылармен жақынырақ танысып, командамен жүздесуге керемет мүмкіндік болмақ. Бағдарламада жаңартылған құрамды таныстыру, автограф-сессия, футболшылармен естелік суретке түсу. Кіру – тегін», - деп жазады клуб өкілдері.

Команда Түркияда бір айлық оқу-жаттығу жиынын аяқтады, осы уақыт ішінде бірнеше жолдастық кездесулер өткізілді. Келесі ойыншылар ресми түрде тізімге қосылды: Вячеслав Швырев, Тамерлан Аағыманов, Владислав Климович, Павел Седько, Мирас Тұрлыбек, Ибрагим Фард, Годфри Биток, Данила Нечаев, Вячеслав Раскатов, Мамаду Мбодж, Самат Жарынбетов, Мирас Оматай, Рамазан Кәрімов, Нұрдәулет Байбосынов және Әділет Үсенов.

«Ертіс» чемпионатты Шымкенттегі матчпен бастайды. 7 наурызда Павлодар командасы оңтүстік мегаполисте жергілікті «Ордабасы» ойнайды. Ойын сағат 19:30-да басталады.

Екінші турда «Ертіс» өз алаңында ойнайды, қонаққа «Атырау» келеді. Ойын 15 наурызға жоспарланған.