Жол жүру құны 2000 теңгені құрайды, деп хабарлайды @Pavlodarnews.kz тілшісі.

Аудан әкімдігі баспасөз қызметінің мәліметінше, 5 ақпаннан Ертіс ауылы – Павлодар қаласы – Ертіс ауылы бағытында автобус қатынасына өзгерістер енгізіледі.

Жаңартылған кесте бойынша автобус Ертіс ауылынан сағат 7:00-де, ал Павлодар қаласынан 16:00-де шығатын болады.

Ертіс ауылында автобус Астана көшесіндегі Орталық базар (Жұлдыз кафесі) тұрағынан жолға шығады. Павлодар қаласынан автобус автовокзалдан жөнелтіледі.

Қосымша ақпарат үшін +7(705)611-21-61 нөмірі бойынша хабарласуға болады.