Номинацияға байланысты әр өнер түрі бойынша жас санаттары белгіленді, деп хабарлайды @Pavlodarnews.kz.

Ұлттық Дельфий комитеті өңірлік іріктеу кезеңдері 2025 жылдың наурыз – маусым айлары аралығында облыс орталықтары мен республикалық маңызы бар қалалардың жалпы қалалық ойындары деңгейінде өткізіледі. Павлодар қаласындағы аймақтық Дельфий ойындарының іріктеу кезеңі 1 наурызға жоспарланған. 

Өңірлік және жалпы қалалық ойындардың жеңімпаздары аймақтың немесе қаланың делегациялары құрамында Қазақстан Республикасының «Silk Way Creative Games» XVI Ұлттық Дельфий ойындарына қатысады.

Конкурстық бағдарламаға 8-25 жас аралығындағы Дельфий қозғалысының мүшелері – шығармашылық ұжымдар мен орындаушылар қатысады.

Номинацияға байланысты әр өнер түрі бойынша жас санаттары белгіленді. Мысалы, 8-10, 10-13, 14-17 және 18-21 жас санаттарында келесі өнер түрлері бойынша конкурс өткізіледі: домбыра, қобыз тарту, фортепиано, скрипкада ойнау, эстрадалық ән айту, көркем оқу, мобилография, DigitalART, ым-ишара тілінде ән айту, арнайы хореография, театр өнері, киім дизайны және т.б.

Ойындарға қатысу үшін @delphi_kz Instagram ресми аккаунтында орналасқан Google форма арқылы тіркеліп, келесі құжаттарды ұсыну қажет:

• Туу туралы куәліктің/жеке куәліктің сканерленген көшірмесі;
• Мүшелік жарнаны төлеу квитанциясы;
• Бағдарламалық талаптарға сәйкес орындаушысы, композиция атауы және хронометражы көрсетілген МР3 немесе МР4 форматындағы фонограмма.

Қосымша ақпарат алу үшін байланыс телефондары:+7 (702) 119-64-89, +7 (771) 909-84-24, +7 (778) 045-73-77 (WhatsApp).

Айта кетейік, Дельфий ойындары – бейнелеу, орындаушылық, қолданбалы, сөз, әлеуметтік, экологиялық өнер түрлеріндегі жас мамандарды біріктіретін күрделі жарыс. Ойындар мәдени мұраны сақтаудың тиімді құралы, жас таланттарды анықтау және қолдау,өскелең ұрпаққа эстетикалық тәрбие беру, тұлғаның рухани қалыптасуына көмектесу, мәдениетаралық диалог пен мәдениеттердің алуантүрлілігін дамытудың тиімді құралы болып табылады.

Былтыр Қырғыз Республикасының астанасы Бішкек қаласында ашық балалар Дельфий ойындары өтті. Павлодарлық әнші екінші жыл қатарынан ымдау тілінен үздік атанды.