Ол ауданның 50 жастағы тұрғыны болып шықты, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, жедел уәкілдер  оның 2023 жылдың мамырынан шілдесіне дейін еркін жайылымнан 13 бас сиыр ұрлағанын анықтаған.  

– Сондай-ақ, Аққулы ауданы мен Павлодар ауданының полиция қызметкерлері жайылымнан жоғалған жылқыларды тауып, иелеріне қайтарып берді. Жылқылар даладан табылды, – дейді департаментте. 

Полиция ведомствосында мал ұрлығын жасауға, оларды ұстауға және қылмыстық жауапкершілікке тартуға қатысы бар адамдарды анықтауға бағытталған «Мал ұрысы» жедел профилактикалық іс-шарасы 2023 жылғы 10 желтоқсанға дейін жалғасатынын еске салды. 

Тәртіп сақшылары мал мен ет өнімдерін тасымалдау ережелерін бұзудың 15 фактісін  тоқтатты. Іс-шараның бірінші күні рейд барысында бұзушылықтар анықталды. Барлық фактілер бойынша ҚР ӘҚБтК-нің 406-бабына сәйкес әкімшілік іс жүргізу қозғалды. Шешім қабылдау үшін материалдар ветеринариялық инспекцияға жіберілді.

Сондай-ақ мал жаю ережелерін бұзудың 34 фактісі анықталды. Құқық бұзушылар ҚР ӘҚБтК-нің 408-бабы бойынша жазаланды. Мамандандырылған қораларға 129 бас мал қамалды. Бұрын жасалған бір қылмыс ашылып, жоғалған малдың қай жерде екені  анықталды.