Полиция қызметкерлері алкогольге қарсы заңнаманы бұзудың алдын алу шараларын жүргізуді жалғастыруда, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, сатушылар Павлодар қаласында Лермонтов және М. Горький көшелеріндегі дүкендерде заңмен белгіленбеген уақытта, Екібастұзда Марғұлан көшесіндегі дүкенде заңмен белгіленбеген уақытта алкоголь өнімін сатқан. 

Ақсу қаласында түнгі уақытта дүкендердің бірінде сауда қызметкері ер адамға 40% градустық алкоголь, сондай-ақ  осы дүкенде  алкогольді 21 жасқа толмаған қызға сатқан. 

– Алкоголь өнімін заңмен белгіленбеген уақытта, сондай-ақ 21 жасқа толмаған тұлғаға сатқаны үшін иелері жауапкершілікке тартылды. Іс материалдары одан әрі қарау үшін сотқа жіберілді. Сот органдары қолданыстағы заңнамаға сәйкес бұзушыларға қандай жаза қолдану керектігін шешеді, – деп хабарлады департаментте.

Осыған ұқсас құқық бұзушылықтар үшін полиция жылдың басынан бастап алты факті, ал 2024 жылы 1564 фактінің жолын кесті. Барлық құқық бұзушылар қолданыстағы заңнама шеңберінде жауапқа тартылды.

Бұл фактілер алкоголь саудасы саласындағы заңнаманы сақтаудың маңыздылығын еске салады. Сатушылар сатудың заңнамада белгіленген уақытта және белгілі бір жасқа толған сатып алушыларға ғана жүргізілуін қамтамасыз етуге міндетті.