Осы аптада ауа температурасы +34°С дейін көтеріледі, деп хабарлайды @Pavlodarnews.kz.

«Қазгидромет» РМК хабарлауынша, 21 тамызда ауа райы жауын-шашынсыз болады. Жел шығыс бағытында секундына 7-12 метрге дейін соғады. 

22 тамыз күні облыстың батысы мен солтүстігінде жаңбыр жауады. Түнде +12...+17 °С болса, күндіз +28...+33°С-қа дейін ысиды. 

23 тамызда да күн күркіреп, нөсер жаңбыр жауады. Түнде +13...+18°С болса, күндіз сынап бағанасы +28...+33°С көрсетеді. 

24 тамыз күні де жаңбырлы болады. Түнде сынап бағанасы +15...+20 °С көрсетсе, күндіз ауа температурасы +29...+34°С дейін көтеріледі. Облыста желдің жылдамдығы секундына 9-14 метр, кейбір жерлерде 15-20 метрге дейін де жетеді деп болжануда. 

Жұма күні бұршақ жаууы ықтимал. Облыстың басым бөлігінде күн бұзылып, жаңбыр жауады. Түнде +15...+20 °С болса, күндіз +23...+28 °С-қа дейін көтеріледі. 

Сенбі мен жексенбі күндері нөсер жаңбыр болады. Ауа температурасы күндіз +20...+25 °С көрсетеді. Ал желдің жылдамдығы оңтүстік бағытта секундына  9-14 метрге дейін соғады.