Ақсу қаласының әкімі тұрғындар көтерген мәселелерді жергілікті жерде қарады,  деп хабарлайды @Pavlodarnews.kz тілшісі.

Металлургтер қаласының әкімі Әнуарбек Аманов Instagram әлеуметтік желісі арқылы тұрғындардан келіп түскен өтініштер бойынша жұмыс сапарын өткізді. Оған бөлім басшылары қатысты. Көтерілген мәселелер сол жерде қаралып, шешудің нақты мерзімдері айқындалды.

— Жұмыс барысында жертөлені су басу, аулалардағы жолдарды жөндеу, жол жиектерін қалпына келтіру, көше жарығын жаңғырту, қоқыс жәшіктерін орнату, су тарту бағанасын ауыстыру, сондай-ақ аулаларды абаттандыру және көгалдандыру мәселелері қаралды, - деді шаһар басшысы.

Әнуарбек Аманов әрбір көтерілген мәселе бойынша жауапты бөлімдерге нақты тапсырмалар берді. Бірқатар мәселе жақын күндері шешімін табатын болса, қалғандары алдағы жұмыс жоспарына енгізілді.