Апта бойы әскери және полиция қызметкерлері өзара әрекеттесу алгоритмдерін тәжірибеден өткізеді, деп хабарлайды @Pavlodarnews.kz тілшісі.

Оқу-жаттығу аясында алғашқылардың бірі болып бақылау-өткізу пунктінің механизмі пысықталды. Барлық жағдайлар мүмкіндігінше шындыққа жақын, фильтрация және медициналық пункт бар. Құқық қорғау органдары мен аумақтық қорғаныс бөлімшелерінен барлығы 20-дан астам адам мен 2 патрульдік автокөлік жұмылдырылған. 

– «Бекет-2024» оқу-жаттығуы аясында полиция бөлімімен бірлесіп оқу-жаттығу жүргізілуде. Омбы-Павлодар тас жолында бақылау-өткізу бекетін аштық. Мұнда жеке құрам үшін демалыс орны, сонымен қатар фильтрация алаңы мен медициналық пункт бар. Бақылау пунктінде көлік құралы тексеріледі, қажет болған жағдайда қолданыстағы бақылау бекеттері іске қосылады, – деді 99 225 Әскери бөлім командирінің жауынгерлік даярлық жөніндегі орынбасары Ержан Мұсабеков.

Негізгі мақсат – дағдарыстық жағдайларға ден қоюға дайындықты тексеру. Белгілі бір шектеу шаралары бар. Осыған байланысты әскерилер азаматтарды өтіп жатқан оқу-жаттығу шараларына түсіністікпен қарауға, сабырлық сақтауға және мемлекеттік органдардың ресми ақпарат көздеріне ғана сенуге шақырады. Жаттығулар 18 мамырға дейін жалғасады.