Биыл қанша өткел ашылатыны әлі белгісіз, деп хабарлайды @Pavlodarnews.kz тілшісі.

Облыстық ТЖ департаментінің мәліметінше, Ертіс өзенінде мұз әлі қалыптаспаған. Сол себепті, барлық су жолдары мен мұз өткелдері ашылмаған. Құтқарушылар атап өткендей, мұз өткелдері тек өзен толығымен қатқан жағдайда ғана жұмыс істей алады.

– Биылғы жылы қанша өткел ашылатынын мұз қалыңдығы анықтайды. Өткен жылы Железин ауылында арнайы өткел ашылмады, себебі мұз қалыңдығы жеткіліксіз болды. Біз әкімдіктермен бірлесіп мұз қалыңдығын өлшейміз, қауіпсіздік белгілерін қоямыз, және мұз өткелдерін үнемі бақылауда ұстаймыз, – деді облыстық төтенше жағдайлар департаменті басшысының орынбасары Қайрат Шаймарденов.

Әдетте, өткелдерде құтқарушылар күніне екі рет мұз қалыңдығын өлшейді, жолдарды тазалайды және қауіпсіздік шараларын қамтамасыз етеді. Тұрғындарға, әсіресе балаларға, мұз өткелдері ашылғанға дейін өз бетімен мұзға шықпауға кеңес беріледі.

Балықшыларға да қауіпсіздік ережелері өзектілігін жоғалтпайды. Лункалар арасындағы қашықтық кемінде 20 сантиметр болуы тиіс. Бұл ереже балықшылардың қауіпсіздігін қамтамасыз етеді. 

– Мұздың қалыңдығы 25 сантиметрден кем болған кезде мұз астында балық аулауға жеке құтқару құралдары болған кезде ғана жол беріледі. Атап айтқанда: ысқырық, құтқару шильці, құтқару кеудешесі, диаметрі 11 миллиметрден кем емес, ұзындығы 12 метрден кем емес арқан, ұзындығы екі метрден кем емес таяқ, су өткізбейтін пакеттегі ұялы телефон, – деді Қайрат Шаймарденов.

ТЖД өкілдері хабарлағандай, биылғы қыс жылы болады. Бұл Қазгидромет мамандарының қысқа мерзімге жасаған болжамдарына негізделген. Құтқарушылар тұрғындарды бұл ақпаратты ескере отырып, қысқы кезеңде өз қауіпсіздігін қатаң сақтау қажет екенін ескертеді.

Еске сала кетейік, ағымдағы жылы шаһарда мұздың қатуы әдеттегі мерзімнен кеш басталмақ. Бұл ауа райының жылынуымен байланысты.