Облыстық статистика департаменті 2025 жылғы наурызда тұтыну бағаларының индексін жариялады, деп хабарлайды  @Pavlodarnews.kz тілшісі.   

Азық-түлік тауарлары тобында қанттың бағасы –  5,4%, сүт өнімдері – 4,2%, балық пен теңіз өнімдері – 3,6%, ет (ет өнімдерін қоса алғанда) – 3,4%, кондитерлік өнімдер – 2,5%, нан өнімдері және жармалар 0,3% қымбаттаған. Бұл ретте жұмыртқа бағасының 3,7% төмендеуі байқалды.  

Көкөністер мен жемістер арасында қызылша бағасы – 23,1%, картоп  – 8%,  ақ қырыққабат – 6,5 %, пияз – 4,4%, апельсиндер – 2,9%,  сәбіз  1,9%-ға  өскен.

Жиһаз, үйге қажетті заттар, кілемдер және еденге арналған басқа да жабындар, оларды жөндеу – 2,9%, киім-кешек пен аяқ киім – 1,6%, автокөліктер – 0,5%, фармацевтикалық өнімдер 0,3% қымбаттады.

Ақылы қызметтер бойынша қоғамдық тамақтандыру қызметтері – 2,6%, тұрғын үйді нақты жалдау ақысы – 2,1%, көлік қызметтері 0,7% өскен.