Павлодар облысында жол апатына түскен үш адам жарақат алды
Жолаушылар отырған көлік жыраға түсіп кетті, деп хабарлайды @Pavlodarnews.kz.
Облыстық полиция департаменті баспасөз қызметінің мәліметінше, 21 сәуірде «Екібастұз-Майқайың» автожолында «Лада Гранта» автокөлігінің жүргізушісі рөлге ие бола алмай, кюветке аударылды.
– Жол - көлік оқиғасы салдарынан жүргізуші мен екі жолаушы түрлі жарақаттармен ауруханаға жатқызылды,– деді департаментте.
ЖКО фактісі бойынша тексеру жүргізілуде, сараптама тағайындалады. Автокөлік айып тұрағына қойылды.
