Жеңіл көлік пен КамАЗ соқтығысты, деп хабарлайды @Pavlodarnews.kz.

Облыстық полиция департаменті баспасөз қызметінің мәліметінше, 20 қаңтарда «Павлодар-Қызылорда» автожолының 1233 шақырымында «Hyundai Accent» және КамАЗ автомобильдерінің қатысуымен жол-көлік оқиғасы орын алды. 

– Оқиға салдарынан «Hyundai Accent» жүргізушісі мен жолаушысы оқиға орнында қаза тапты. Жарақат алған тағы бір жолаушы ауруханаға жатқызылды, – деді департаментте.

ЖКО фактісі бойынша қылмыстық іс қозғалды. 

Полиция департаменті мұндай оқиғалардың алдын алу үшін жол қозғалысына қатысушыларға жылдамдық режимін сақтау және көлік құралының техникалық жағдайын бақылау маңызды екенін еске салады.