Асайын Байханов өзінің ізгі тілегін Іnstagram әлеуметтік желісінде жазды, деп хабарлайды  Рavlodarnews.kz.

– Мұсылман қауымы үшін ұлық мейрамдардың бірі саналатын қасиетті Ораза айттың келуімен Сіздерді шын жүректен құттықтаймын. Он екі айдың сұлтаны болған Рамазан айынан кейін асыға жеткен бұл қуаныш барша әлем жұртшылығына ізгілік пен мейірім нұрын сыйлайды. Ұстаған оразаларыңыз қабыл болып, жасаған дұға-тілектеріңіз орындала берсін. Айттан айтқа, оразадан оразаға аман есен жетейік. Елімізге ауызбіршілік, Отанымызға татулық тілеймін, – деп жазды аймақ басшысы.

Естеріңізге сала кетейік, Ораза айт – барша мұсылман үшін қасиетті Рамазан айының аяқталғанын білдіретін ұлық мейрам. 21 сәуір – Ораза айттың бірінші күні. Мейрам үш күнге, яғни 23 сәуірге дейін созылады. Ораза айттың алғашқы күні мешіттерде жамағатпен айт намазы оқылады. Бүгін 14.00-де жұма намазынан кейін орталық мешіт ауласында  қаладағы мешіттермен бірлесіп, кішігірім шаралар ұйымдастырылады. Оның ішінде спорттық шаралар, балаларға арналған викториналар бар. Жатқа білетін Құран сүрелері сұралып, сыйлықтар үлестіріледі,