Тұрғындар дәріханада заңсыз сауда жүріп жатқанына дабыл қақты, деп хабарлайды @Pavlodarnews.kz.

Назарбаев даңғылы, 17-үйдің тұрғындары қиын жағдайға шағымданды. Олардың бақылауларына сәйкес, үй ауласы нашақорлар жиналатын орынға айналды, ал жапсарлас дәріхана тыйым салынған дәрі-дәрмектерді заңсыз сатады.

– Шприцтер, инелер, қаптамалар – бұл баспалдақтардағы, лифттердегі, тіпті ойын алаңындағы күнделікті «олжалар». Жақын жердегі №5 мектептің аумағында да шприцтер табылуда. Біз балаларды сыртқа шығаруға, үйге кіруге қорқамыз. Біз өз денсаулығымызға қауіп төндіріп, олардың артынан үнемі тазалап отыруға мәжбүрміз, – деп жазды әлеуметтік желіде қала тұрғындарының бірі.

Облыстық полиция департаментінің есірткі қылмысына қарсы іс-қимыл қызметкерлері оқу орнын мен жақын маңдағы аумақты тексерді. 

– Нәтижесінде Н. Назарбаев даңғылы, 17 көшесіндегі дәріханада дәрі-дәрмектің рецептсіз сатылу фактісі анықталды. Материал жиналып, іс жүргізу шешімін қабылдау үшін ҚР ДСМ Медициналық және фармацевтикалық бақылау комитетінің Павлодар облысы бойынша департаментіне жіберілді, – деп жауап берді ведомствода.

Бұл ауданда полиция қызметкерлерінің авто және жаяу патрульдері күшейтілді. Азаматтар арасында түсіндіру жұмыстары жүргізілуде.