Барлық өтінімдер уақтылы қаралып, азаматтарға тиісті жауап берілді, деп хабарлайды @Pavlodarnews.kz тілшісі.

«ҚазАвтоЖол» ҰҚ» АҚ баспасөз қызметінің мәліметінше, өткен аптада 1403 байланыс орталығының операторлары республикалық жолдарға қатысты 17 мыңнан астам өтінімді қабылдап, өңдеді.

– Азаматтарға қолайлы әрі жедел ақпарат беру үшін интерактивті дауыстық меню (IVR) жүйесі іске қосылған. Осы жүйенің көмегімен 4 174 өтінім операторлардың қатысуынсыз автоматты түрде өңделсе, операторлар 12 076 қоңырауға жауап берді. Сондай-ақ, мессенджерлер арқылы 1 457 азаматтардың өтінімдері қабылданды, – делінген хабарламада.

Республикалық жолдарға қатысты ең көп хабарламалар Павлодар, Түркістан және Ақмола облыстарынан келіп түсті. Барлық өтінімдер регламентке сәйкес уақтылы орындалды.

«ҚазАвтоЖол» ұлттық компаниясы пайдаланушыларға бірнеше байланыс арналарын ұсынады:

• 1403 байланыс орталығы;
• www.qaj.kz ресми интернет-ресурсы;
• Telegram бот (@qazavtojolbot, @CallCenterQaj_bot) және WhatsApp мессенджері (+7 775 001 1403).