Павлодарда №3 автобус маршруты уақытша жүру бағытын өзгертті
Оған су құбыры құдығына жүргізілетін жөндеу жұмысы себеп, деп хабарлайды @Pavlodarnews.kz.
Қалалық ТҮКШ ЖК және АЖ бөлімінің мәлімдеуінше, өзгеріс 26-30 қыркүйек аралығында болады.
№3 автобус Астана көшесі бойынша (Р. Люксембург-Ак.Шөкин көшелерінің шекараларында) қозғалыс сызбасына уақытша өзгерістер енгізіледі.
№3 автобус Астана көшесімен солтүстіктен оңтүстікке қарай бағытта жүргенде Горький көшесінен солға бұрылады. Содан кейін Ак.Сәтбаев көшесіне оңға бұрылып, одан әрі маршрут бойынша жүреді. Сол сияқты кері бағытта.
